上箍

脫牙後一個禮拜正式上箍,
剛上箍後沒有太大的感覺,
只覺得口中多了很多異物。
而且醫生手勢很好,不會痛。

但一個鐘頭後,
痛苦的感覺來臨,
牙齒開始酸痛。
在食晚餐時,
作為一個食貨的我,
感到無比的痛苦。
正常大口地食菜芯時,
我的牙齒完全沒力,
什麼都食不到。
就這樣我開始了食流質食物的日子。
由於我不喜歡食粥,
所以我都以飲奶為主。
但這樣的日子,
只維持一個多禮拜,
你慢慢就會習慣。
可是我每個月都需要覆診,
所以當我的牙齒開始習慣沒多久,
可以食一點剪細的固體食物時,
又要回到食不到東西的時間。
這樣的過程持續了半年左右.
我就要上骨釘了。
釘上骨釘的日子,
現在想起也覺得好恐怖.......
下一篇就會開始寫上了骨釘的日子
大家密切留意

脫牙了

太久沒有更新，
也是時候要寫一寫。
放完藍色的圈圈一個月後，
便回牙醫處覆診。
這次的覆診，
牙醫把放在大牙牙縫之間的藍色圈圈拿了出來，
再把銀色的圈圈套進大牙。
所以之前放的藍色圈圈作用是要弄大大牙之間的牙縫。
其實放銀色圈圈一點都不痛，
只是感覺口裡多了一點東西。
過了大約一個禮拜後，
脫牙的時間終於來臨。
我跟大部分的人一樣都是脫四隻牙齒，
是脫左右上下各一隻小臼齒，
分開兩次脫，分左邊和右邊。
我超害怕脫牙齒，第一次脫完的時候還哭了一下下......
第二次脫根本就沒在怕了。
兩次的脫牙都很順利，
只是第二次脫的時候，
打幾次麻醉針才感覺不到，
醫生也有一點點不耐煩。
總括來說，脫牙比起放藍色圈圈是完全不痛，
而且麻醉藥後也不痛，我連醫生給的止痛藥都沒有吃。
脫完牙後就正式上箍了

正式開始箍牙

選定好第二個方案(利用骨釘配合箍牙)之後
第四次的覆診來臨了
醫生好簡單地再說一次方案和檢查一下(教授也在旁邊),
便正式開始我的箍牙生涯。
今次的覆診,醫生放了四個藍色圈圈在我的四隻大牙之間,
目的是令大牙之間有空隙可以放入牙釘。
好順利地放完後,醫生千叮萬囑我要刷好牙。
臨走前預算約好下一次覆診時間,姑娘便對我說
今晚開始可能會覺得"冤冤"地,不過是正常的。
回到家之後,我發覺不需要到夜晚,牙齒已經開始痛,
根本不是"冤冤"地這麼簡單。
到夜晚更加是痛到睡不著的狀態。
當晚,我什麼也吃不到,只喝了一包牛奶,連太大力吸也痛得要死!
心想只是剛開始已經痛到要死,往後的日子.........
接著的第二天也只喝牛奶,第三天才可以食雪芳蛋糕,
不過太大力咬還是很痛!!!
第異四天我還跟朋友出去食飯,簡直是折磨!
不過一個禮拜後就好很多,一個月後還去了韓國大吃特吃
總括來說,因為本身我的牙齒已經迫到死死,
沒有任何位置,所以加這幾個圈圈當然痛啦!
一個多月後就脫牙齒,是四顆牙齒。
超恐怖的......要知道接著的療程,記得留意下一篇啦

開始箍牙了

第三次返去菲臘牙科醫院覆診，醫生就開始同我講箍牙的程序，而且仲俾左兩個方案我揀。
⒈做調整上顎骨的手術加箍牙
⒉利用骨釘配合箍牙
認真佢要我係極短的時間回覆，大約十五分鐘的時間，我完全嚇傻左。兩個選擇都好恐怖，兩個我都唔想做。但經過十五分鐘的考慮而且略略同屋企人傾過，再聽埋醫生所講大約的風險，我揀左第二個方法。

究竟兩個方法有咩唔同呢？經過我問醫生，上網查資料再問屋企人相熟的牙醫，我大約了解到兩個方法唔同的地方。由此我的上顎突出，需要將佢整返靚，一係做手術將多餘的上顎骨切出令佢變返正常。當然啦用呢個方法我深信係可以好靚同完美，但是風險係未必可以一次成功，而且要全身麻醉，再者有新聞報導過曾經有人做顎骨手術中風。雖然醫生話而家呢種手術好普遍，日日都有人做緊…………但我而家想起都驚，由於我怕痛，同屋企唔想我有意外所以都唔建議我做手術，所以最終揀落骨釘。二係落骨釘，借助骨釘的力量將牙齒固定好同時將上顎做調整。但醫生就講明骨釘所做到的效果不及手術，而且未來能做到完美，只能盡佢最大能力去幫我。另外骨釘亦有機會會脫落，需從新搵過另一個位落。
醫生話要箍三年><

係呢次講解一個月後我就正式我的箍牙生涯啦……

考慮箍牙

考慮箍牙

第一次寫blog,
想寫的原因是我下左一個人生幾大的決定----箍牙!!
另外是想俾大家一個參考,箍牙所須的勇氣與及金錢。
其實我係好細個的時候已經被人建議去箍牙,
但因為金錢的問題和我自己唔太介意,所以一直冇箍。
直到近呢幾年發覺自己的實在影響外觀,
以及關係到將來牙齒健康的問題,我決定箍牙!!
因為唔齊的牙齒好難清潔,容易引起好多口腔的問題,
而且醫生都建議我箍牙。
雖然真心講句我都係為靚,
但都唔想老的時候變冇牙婆.......
再者,個時我發現有一間叫菲臘牙科醫院,
會定期收箍牙的教學病人,所以決定一試!
因為收費比私家牙醫平一至三倍,
雖然醫院內的牙醫係實習的,
但他們都係碩士學生,而且又有教授睇住,
所以唔怕會有意外。
總之就箍得過^-^
但菲臘牙科醫院唔係個個都收的,
最主要要睇有冇教學意義,
所以證明的的牙係幾有教學用途,haha
好啦,就等我俾我好有教學用途的牙俾大家睇
(有點嘔,慎入)








其實對於其他牙唔齊的人,我都唔算好嚴重。
但醫院揀得的當然係有原因的
就係我的上鄂,我的上鄂生的太落,需要拉返入去

想知接下來的箍牙程序睇下一編啦^^