第三次返去菲臘牙科醫院覆診，醫生就開始同我講箍牙的程序，而且仲俾左兩個方案我揀。
⒈做調整上顎骨的手術加箍牙
⒉利用骨釘配合箍牙
認真佢要我係極短的時間回覆，大約十五分鐘的時間，我完全嚇傻左。兩個選擇都好恐怖，兩個我都唔想做。但經過十五分鐘的考慮而且略略同屋企人傾過，再聽埋醫生所講大約的風險，我揀左第二個方法。
究竟兩個方法有咩唔同呢？經過我問醫生，上網查資料再問屋企人相熟的牙醫，我大約了解到兩個方法唔同的地方。由此我的上顎突出，需要將佢整返靚，一係做手術將多餘的上顎骨切出令佢變返正常。當然啦用呢個方法我深信係可以好靚同完美，但是風險係未必可以一次成功，而且要全身麻醉，再者有新聞報導過曾經有人做顎骨手術中風。雖然醫生話而家呢種手術好普遍，日日都有人做緊…………但我而家想起都驚，由於我怕痛，同屋企唔想我有意外所以都唔建議我做手術，所以最終揀落骨釘。二係落骨釘，借助骨釘的力量將牙齒固定好同時將上顎做調整。但醫生就講明骨釘所做到的效果不及手術，而且未來能做到完美，只能盡佢最大能力去幫我。另外骨釘亦有機會會脫落，需從新搵過另一個位落。
醫生話要箍三年><
係呢次講解一個月後我就正式我的箍牙生涯啦……
